R-20-038 ALKATETZAREN EBAZPENEAN JASOTAKO ERABAKIAK HONAKOAK DIRA:
LEHENA.- Zerga arloan epemugak zabaltzea eta malgutzea.
Honako Udal zerga hauek likidatzeko eta ordaintzeko epeak aldatu dira:
Trakzio Mekanikozko Ibilgailuen Zerga: zerga ordaintzea helbideratu gabe dutenentzat, borondatezko aldia 2020-06-15etik 2020-07-30era artekoa izango da, biak barne. Erreziboaren ordainketa helbideratuta dutenentzat, kargua 2020-07-15an egingo da.
Ondasun Higiezinen Zerga: borondatezko aldian 2020-08-01etik 2020-09-15era.
Jarduera Ekonomikoen Zerga: urrian kobratzen da.
Plusbaliak: 2020ko martxoaren 14a baino lehenago likidatutako aitorpenak eta ordaintzeko epe barruan daudenak, 2020-7-30eko data izango dute ordainketa egiteko. 2020ko martxoaren 14a ondoren egindako likidazioek baita ere 2020-7-30eko epea izango dute ordainketa egiteko.
Eraikuntza, Instalazio eta Obren zerga: 2020ko martxoaren 14a baino lehenago likidatutako aitorpenak eta ordaintzeko epe barruan daudenak, 2020-7-30eko data izango dute ordainketa egiteko. 2020ko martxoaren 14a ondoren egindako likidazioek baita ere 2020-7-30eko epea izango dute ordainketa egiteko.
BIGARRENA.- Kirol eta hezkuntza zerbitzuetako tasak.
Martxoari dagokion kuota erdia kobratuko da. Hortik aurrera, proportzionalki kobratuko da hilabetea, asteka. Zerbitzurik ez badago, ez da kobratuko. Kurtsoko abonua eginda dutenei, COVID-19ren ondorioz zerbitzurik egon ez
den proportzioa (asteka kalkulatuta) itzuliko zaie.
HIRUGARRENA.- Alokatuta ditugun udal eraikinei ez zaie kobratuko alokairurik alarma egoerak dirauen bitartean