Tamarizek, bi emanaldi
Juan Tamariz-Martel Negrón kartomagian aditua eta espezializatuta dagoen ilusionista da, nagusiki hurbileko magia motan. Kartetan espezializatutako mago edo azti gisa, mundu guztian arte honetako aditu handi gisa errespetatua da, denen begirunea irabazi duelarik, esku jokoetan ikusleen arreta desbiratzen maisu da.
Horretaz gain bere ekitaldiak bere umore bizi eta berezi, lotsagabekeri eta hitz jario amaigabeaz beterik egon ohi dira, ezaugarri guzti horiek sekulako arrakasta eman diote. Ikusleek gehien oroitzen dutena Tamarizek bere trukoa ongi atera ostean bibolin "ikustezina" ero baten gisa joka hasten denekoa da, beste ezaugarri aipagarria umore ironikoz bere burua "sexsymbol" gisa aurkezten duenekoa da, emakume guztiak bere atzetik dauzkala esanaz.
Sarrerak erosgai daude on-line edo Espaloian bertan. Kontuan hartu on-line erosketak kudeatze gastu batzuk dituztela eta 1,5 euro gehiago balio dutela.
Sarrerak bi prezio dituzte: bazkideendako 20 euro. Gainontzekoendako 25 euro.- http://www.kulturalive.com/index.php?len=eus&id=1181 (OSTIRALeko saioa)
- http://www.kulturalive.com/index.php?len=eus&id=1182 (ZAPATUko saioa)
Domekan, magia plazan
Domekan, berriz, Maximiliano Stiak eta Walter Darío Garibottok osatutako Tangorditos bikote artistikoak ekarriko du magia Elgetara. Plazan egingo dute emanaldia 12:30ean. Umorea eta ilusionismoa lantzen dituzte beraien ikuskizunetan.
Argentinarrak dira jaiotzez biak, baina Bartzelonan bizi dira gaur egun. Kale-antzerkia egiten hara eta hona ibiltzen dira, eta sariak ere jaso dituzte; Vila-Realgo (2002) eta Lojako (2004) kale-antzerki jardunaldietan, adibidez.
