Onartu berria den aurrekontuan antzeman daiteke gastua murrizteko
udal gobernuak duen premia. Murrizketa handiena inbertsioen kapituluan
aurreikusten du Udalak. "Gobernu honek finantziazioa dagoenean egingo
du inbertsioa", esan du Oxel Erostarbe alkateak.
Zentzu horretan
Estatu fondoko dirua baliatuko dute aurten eskolako fatxadako itoginak
konpontzeko, eta udaletxeko leihoak zein herriko hainbat baranda
berritzeko. Hiru proiektu idazteko diru-laguntza ere agindu du
Diputazioak; patronatuaren eraikina berritzeko proiektua idazteko, San
Roke kalean saneamendu lanak egiteko proiektua idazteko, eta Gudarien
bidea oinezkoendako egiteko proiektua idazteko, hain zuzen ere. Aurten
egingo dira, halaber, Ozkarbi elkarteko zein sendagilearen kontsultako
irisgarritasun lanak. Udalak, azkenik, lehentasunezkotzat jo du
brigadako langileei ibilgailu berria erostea zein eskolan hainbat
konponketa egitea.
Oposizioaren proposamenak
Oposizioak babestutako aurrekontua da honakoa, nahiz eta udal gobernuak atzera bota dituen Patxi Basauriren taldeak egindako zenbait proposamen. Oposizioak aurrerapausoak nahi zituen, esaterako, Berraondokoa industriagunearekin eta Artekale amiantozko fatxadekin lotuta.
Inbertsio nagusiak
Inbertsioa | Partida |
---|---|
Ibilbide tematikoa |
130.000 |
Eskolako fatxada |
42.441 |
Baranda berriak |
35.861 |
Lanak udaletxean |
35.209 |
Lanak Ozkarbin |
27.998 |
Konponketak eskolan |
25.000 |
Lanak kontsultan |
14.583 |
Bidegorria Asentziora |
12.000 |