Omenaldi hunkigarria Intxortako frontean ibilitakoei

2011-10-10T14:34:00+02:00 2011-10-10T14:34:00+02:00 2011-10-10T14:34:00+02:00

Intxortako Atean omenaldi ekitaldia eta herrira oinezko martxa egin dituzte, beste ekintza batzuen artean, Espainiako gerran Intxortako frontea sortu zela 75 urte bete diren honetan. Han zeuden gudari eta milizianoen konpainiek "erasoari eutsi" ziotela gogoratu eta eskertu dute bertaratutakoek.. Jarraian bideoa eta argazki galeria:

Jende asko batu da gaur goiz eta eguerdian Intxortako fronteko gudari eta milizianoei egindako omenaldian. Momentu hunkigarrienetako bat Intxortako Atean egin duten lore eskaintza izan da: krabelin gorriak eskaini dituzte gudarien eta milizianoen oroimenez. Euzko Gudariak abestia kantatu eta aurreskua ere dantzatu dira. Atean bertan adierazpen bat irakurri zuten antolatzaileek: "Elgeta eta bere inguruan, euskal miliziano eta gudariek jarritako erresistentzia eredua izan zen. Horri esker, 36ko urriaren 7an historiako lehen Eusko Jaurlaritza eta Estatutua, Elgetako Estatutua izenaz ezagutzen duguna, antolatu zen", esan zuen Julia Mongek.

ARGAZKI GALERIA