Euskaraz jardutean herritarrek dituzten gorabeherak jasotzeko buzoiak

2009-11-23T09:47:00+01:00 2009-11-23T09:47:00+01:00 2009-11-23T09:47:00+01:00

Elgetako herritarrek aukera izango dute, euskaraz jardun dutenean gertatu zaizkien gorabeherak aipatzeko: euskara erabiltzeko oztopoak aurkitu dituztela, zoriontzeko hobekuntzak aurkitu dituztela… Ekarpen horiek jasotzeko, Udalak buzoiak jarriko ditu udaletxean eta liburutegian. Euskararen erabileraren gainean kontsultak edota proposamenak ere egin ahal izango dituzte buzoietan.

Ekimen hau Udalerri Euskaldunen Mankomunitatearen (UEMA) eta Hizkuntz Eskubideen Behatokiaren arteko lankidetza hitzarmenetik dator. Elgetako Udala UEMAko kide da.

Buzoian jasotako aipamen eta ekarpenak UEMAra eta Hizkuntz Eskubideen Behatokira bidaliko dira, eta erakunde hauek egingo dira horien kargu. Ekarpen bakoitzari erantzuna emateko konpromisoa hartu dute.

Behatokiak telefono bat ere martxan jarri du, aipamenak zuzenean egiteko: 902 19 43 32

Informazio gehiago behar izanez gero, deitu edota etorri udal idazkaritzara

Telefonoa: 943 76 80 22
Ordutegia: 08:00-13:00 / 14:30-17:30