Barikua, goizeko 07:17: Arazorik ez errepideetan. Goiza garbi agertu da. Hala ere, kontuz, izotza egin du-eta.
Bihar, goizeko 06:00etatik aurrera ere erabil daiteke telefono hori. Webguneak ere bere martxa hartuko du goizean goiz.
19:30: Bideak zabalik. 22:00ak bitarte, 943768022 telefonoan jaso ahal izango da informazio gehiago.
18:30: Errepideetan arazorik ez. Zirkulatu daiteke Elgetatik.
17:45ean eguneratua: ez dago arazorik errepideetan.
17:00etan eguneratua: Elgetatik Bergarara eta Eibarrerako bideak irekita daude, Kanpazarkoan kontuz ibili behar, baina, laster pasako da elurra kentzeko makina.
16:30ean eguneratua: Momentu honetan elurra gogor ari du Elgetan eta arazoak daude errepideetan.
15:30ean: Elgetan elurra ari du. Hala ere, oraingoz, Elgetako errepidea zabalik dago. 16:00etan eguneratuko dugu informazioa.
Egun hauetan eta etorkizunean izan daitezkeen elurteek Elgetako errepideetan sor ditzaketen arazoak direla-eta, Elgetako udalak honakoa jakinarazten du:
1-. Elurra kentzeko makina bi izango dira denbora guztian Elgetan: bata Diputazioarena eta bestea Elgetako udalarena. Makina biak koordinatuko dira eta Elgetarako lau errepideetan arituko dira: Bergarako bidean, Eibarkoan, Arrasatekoan (Kanpazarkoan) eta Elorriokoan.
2-. Elgetako enpresetara etortzen diren beharginei eta Elgetatik kanpora joaten direnei uneoro errepideen berri emateko, Udalak informazio zerbitzua eskainiko du goizeko 6:00etatik gaueko 22:00ak arte elurteak iragarrita daudenean.
