Jaietako bideoak eta argazkiak ikusgai

Elgetako jaiak igaro dira eta eguenetik domekara bitartean makina bat ekintza gozatzeko aukera izan da. Eguenetik gogor hasita, koadrilak mozorrotuta irten ziren kalera. Hala, herriko plaza izoztu egin zuten Ice-Age-ren antzera; beste batzuek Errozioa ospatu zuten, eta Elgetara Athle-ticen gabarra ere igo zuten batzuek. Zapatuko, Herri Eguna oso arrakastatsua izan zen. Herri bazkarian 520 plater paella banatu zituzten eta azoka jendez bete zen. Hemen dituzue jaietako bideoa eta argazkiak ikusgai: