Udal kirol zerbitzuko jardueretan izena emateko epea zabalik dago

Interesatuek hilaren 26ra bitarteko epea dute udaletxean izena emateko. Jarduerak urriaren 1ean hasiko dira. Hamar jarduera ipini nahi ditu martxan ikasturte honetan udal kirol zerbitzua: psikomotrizitatea (20 euro hilean), eskola kirola, GAP/stretching (25 euro), yoga (30 euro), tai-chi (30 euro), gazte gimnasia (25 euro), hirugarren adinerako gimnasia (7 euro), spinning (30 euro), mantentze gimnasia (25 euro) eta oinarrizko heziketa fisikoa (50 euro). Behar beste jende batzen bada spinningeko bi talde egitea da hasierako asmoa. Izena emateko epea zabalik dago hilaren 26ra bitartean eta Udalak ikastaroon ordutegiak ere finkatu ditu. . Interesatuek udaletxera jo behar dute. Urriko lehenengo bi asteetan, gainera, ate irekiak egingo dituzte doan aproba egiteko.