Hainbat lagunek egin zuen atzo Asentziotik Intxortako Aterainoko ibilaldia Ikurrinaz, eta, CNTko eta Errepublikako banderak astinduz. Tartean, Oxel Erostarbe Elgetako alkatea, Edurne Alberdi zinegotzia eta Julia Monje, Arrasateko Zutik alderdiko zinegotzia.
Lore eskaintza hunkigarria
Bi lore eskaintza egin zituzten ibilbidean barrena: bata Salbadorreko monumentuan, eta bestea, Intxortako Atean. Omenaldi hunkigarri hau borobiltzeko baina, maiatzean, inaugurazio ofiziala egingo zaie Espaloia Kafe Antzokian jarriko duten Interpretazio zentroari eta Intxortako ibilbide tematikoari.
Harrera gunea maiatzean
Maiatza bukaeran inauguratuko da Interpretazio zentroa. Bertan,
trintxeren erreprodukzioa eta argazkiak, besteak beste, izango dira
ikusgai, Espaloian. Intxortako Aterainoko ibilbide tematikoa ere prest
izango dute.
Aipatu ere, Espaloiko harrera gunean, proiektu garrantzitsua jarri dela martxan, Izen guztiak aurpegi guztiak,
lelopean. Hala, herritarrei zein 36ko Gerrako materiala izan dezaketen
guztiei deia egin diete: etxean edo baserrian garai hartako materialik
edukiz gero, eta erakusketan ikusgai ipintzea gura izanez gero,
bertaratu eta jakinarazteko eskatu dute ekimen honetan diharduten
arduradunek.
